४ चैत, काठमाडौँ । जल तथा मौसम पूर्वानुमान महाशाखाले जनाएको छ कि हाल देशभर पश्चिमी न्यूनचापीय प्रणाली र केही स्थानीय हावाको आंशिक प्रभाव छ ।
आज दिउँसो सामान्यतया देशका हिमाली क्षेत्रहरूमा बादल लाग्नेछन् भने पहाडी र तराई क्षेत्रमा आंशिक बादल देखिने अपेक्षा गरिएको छ । कोशी, गण्डकी र कर्णाली प्रदेशका हिमाली भागका केही स्थानमा मेघगर्जन र चट्याङसहित हल्का वर्षा र हिमपात हुने सम्भावना छ ।
त्यसैगरी, आज राति लुम्बिनी, कर्णाली, सुदूरपश्चिम र गण्डकी प्रदेशका पहाडी तथा हिमाली क्षेत्रहरूमा प्रायः बादल लाग्ने अनुमान गरिएको छ ।
गण्डकी, बागमती र कोशी प्रदेशका पहाडी तथा हिमाली क्षेत्रहरूमा आंशिक बादल रहनेछ भने बाँकी क्षेत्रहरूमा मुख्य रूपमा मौसम सफा रहनेछ । सुदूरपश्चिम प्रदेशका पहाडी र हिमाली क्षेत्रका केही स्थानमा मेघगर्जन र चट्याङसहित हल्का वर्षा र हिमपात हुने सम्भावना छ ।
