१६ चैत, काठमाडौं। विशेष अदालतले पूर्वप्रधानमन्त्री माधवकुमार नेपाल सहितका बिरूद्ध लागिरहेको भ्रष्टाचार मुद्दामा दुवै पक्षलाई बहस नोट पेश गर्न आदेश दिएको छ।
विशेष अदालतका सदस्यहरू हेमन्त रावल, डिल्लीरत्न श्रेष्ठ र उमेश कोइरालाको इजलासले दोषी र प्रतिपक्ष दुवैलाई बहस नोट बुझाउन भनेको छ।
अख्तियारले पतञ्जली प्रकरणमा हदबन्दीभन्दा बढी जग्गा बिक्री र सट्टापट्टामा संलग्न भएर भ्रष्टाचार भएको आरोप लगाएको थियो। साथै, हदबन्दीभन्दा बढी जग्गा खरिद गर्ने र झूटा कागजात तयार पार्न प्रेरित गरेको आरोप पनि थियो। अख्तियारले उक्त घटनामा मालपोत कार्यालय काभ्रेका कर्मचारीहरूलाई समेत मुद्दामा समावेश गरेको छ।
पूर्वप्रधानमन्त्री माधवकुमार नेपाल, तत्कालीन कानून मन्त्री प्रेमबहादुर सिंह, भूमिसुधार मन्त्री डम्बर श्रेष्ठ र मुख्यसचिव माधवप्रसाद घिमिरेको भूमिकामा पनि अख्तियारले प्रश्न विश्लेषण गरेको थियो।
त्यसै गरी, सट्टापट्टाबाट जग्गा किन्नेहरूलाई पनि भ्रष्टाचारको आरोप लगाइ मुद्दा दायर गरिएको छ।
