१७ चैत्र, काठमाण्डौ । वाणिज्य, आपूर्ति तथा उपभोक्ता संरक्षण विभागले ललितपुरको बालकुमारीमा अवस्थित एक व्यावसायिक फर्मलाई २ लाख रुपैयाँको जरिवाना लगाएको छ। मंगलवार गरिएको बजार अनुगमनको क्रममा उपभोक्ता संरक्षण ऐनको उल्लङ्घन भएको पाइएपछि एसडीपीएल ट्रेड प्रा. लिलाई उक्त जरिवाना गरिएको हो। विभागले काठमाडौं उपत्यकाका विभिन्न स्थानहरूमा सञ्चालित अन्य २१ व्यावसायिक फर्महरूको पनि अनुगमन गरेको बताएको छ। ती फर्महरूलाई तत्काल सुधारका लागि सामान्य निर्देशन पनि दिइएको छ।
