२२ चैत, काठमाडौं । लुम्बिनी प्रदेशसभा सदस्य रेखा शर्मालाई हिरासतबाट रिहा गरी थप अनुसन्धानका लागि जिल्ला अदालत काठमाडौंले आदेश दिएको छ। उनलाई बालबालिकासम्बन्धी अपराधमा प्रहरीले पक्राउ गरेको थियो। उनमाथि एक बालिकालाई घरमा राखेर बालश्रम गराएको आरोप लागेको थियो।
शर्माबीचको मुद्दा अघि नबढाउने रायसहित जिल्ला सरकारी वकिलको कार्यालय, काठमाडौंमा तयार गरिएको फाइल उच्च सरकारी वकिलको कार्यालयमार्फत महान्यायाधिवक्ताको कार्यालयमा प्रस्तुत गरिएको थियो। मुद्दा नचलाउने निर्णय भइसकेपछि जिल्ला अदालत काठमाडौंका न्यायाधीश जगतबहादुर पौडेलले उनलाई हिरासतबाट रिहा गरी मुद्दाको थप अनुसन्धान गर्न आदेश जारी गरेका छन्।
