मिडफिल्डर प्रीति राई कम्बोडियाको प्रेह खान रिच स्वाय रिएङ वुमन्स एफसीमा अनुबन्धित भएकी छन्। क्लबले फेसबुकमार्फत उनको तस्बिर सार्वजनिक गर्दै उनलाई स्वागत गरेको छ। उनले क्लबसँग औपचारिक सम्झौता गरिसकेकी छन्।
प्रीतिले यसअघि जोर्डनको इतिहाद क्लबबाट खेल्नु भएकी थिइन्। सन् २०२३ मा उनले भारतको किकस्टार्ट एफसीमा खेल्दै अन्तर्राष्ट्रिय अनुभव सङ्कलन गरेकी थिइन्। कम उमेरमै आफ्नो खेलकुद यात्रामा उल्लेखनीय उपलब्धि हासिल गरेकी प्रीतिले घरेलु टोली एपीएफ क्लबबाट आफ्नो करिअर सुरु गरेकी थिइन्।
प्रीतिले २०२१ मा मात्र १६ वर्षको उमेरमा नेपाली राष्ट्रिय टोलीबाट अन्तर्राष्ट्रिय फुटबलमा डेब्यु गरिन्।
