३ वैशाख, काठमाडौं। इजरायली सेनाले बिहीबार गरेको मिसाइल आक्रमणले दक्षिण लेबनानको अन्तिम सुरक्षित पुल पनि ध्वस्त भएको छ। बीबीसीका अनुसार, नबतिएह शहरमा उक्त आक्रमणपछि ठूलो धुँवाको बादल उठेको छ। लिटानी नदीमाथि रहेको यो पुल नबतिएह शहरमा रहेको छ, जहाँ ४० हजारभन्दा बढी मानिसहरू बसोबास गर्छन्। यस आक्रमणपछि दक्षिणी लेबनानसँग जोड्ने कुनै पनि मार्ग बाँकी नरहेको लेबनानी अधिकारीहरूले जनाएका छन्।
