काभ्रे जिल्लाको रोशी खोलाममा फँसेका ६०/६५ जनाका यात्रुहरूलाई सशस्त्र प्रहरी बलले डोरी र जेसीबीको माध्यमबाट उद्धार गरेको छ। पानीको सतह वृद्धि भएपछि सडक कटान भई बीपी राजमार्ग पूर्णरूपमा अवरुद्ध भएको छ। सशस्त्र प्रहरीले जोखिमलाई ध्यानमा राख्दै काठमाडौंतर्फ आउँदै गरेका १६० वटा सवारी साधनहरूलाई रोकेको छ। २१ वैशाख, काठमाडौं।
बीपी राजमार्ग अन्तर्गत काभ्रेको रोशी खोलाममा फसेको ईभी माइक्रोबसका यात्रुहरूलाई उद्धार गरिएको छ। सशस्त्र प्रहरी बलका सहप्रवक्ता तथा डीएसपी शैलेन्द्र थापाका अनुसार, ईभी हायसमा फसेका ६०/६५ जनालाई डोरी र जेसीबीको सहायताले उद्धार गरिएको हो। नमोबुद्ध नगरपालिका–६ चौकीडाँडा र रोशी गाउँपालिका–७ क्षेत्रमा पर्ने चार सय बढी क्षेत्र भएको रोशी खोलामा पानीको सतह बढेसँगै सडक कटान भएर मार्ग पूर्ण रूपमा अवरुद्ध भएको थियो।
१५ नम्बर गण काभ्रे र मनसुन प्रतिकार्य बेस भकुण्डेबाट सशस्त्र प्रहरीले तत्काल उद्धार कार्यका लागि टोली खटाएको डीएसपी थापाले बताए। उनका अनुसार, बीपी राजमार्ग सडक खण्डमा आवतजावत गर्ने सवारी साधनहरूको सम्भावित जोखिमलाई ध्यानमा राख्दै, रोशी गाउँपालिका–७ लासटोलबाट काठमाडौंतर्फ आउँदै गरेका १६० वटा सवारी साधनहरूलाई रोकी राखिएको छ।
