२१ वैशाख, काठमाडौं । प्रतिनिधिसभाका सचिव हर्कराज राईसँग सभामुख डोलप्रसाद अर्यालले स्पष्टीकरण मागेका छन्। स्रोतका अनुसार, प्रतिनिधिसभा सचिव राईले सोमबार सभामुखलाई आफ्नो पक्षमा स्पष्टीकरण बुझाइसकेको छ। सभामुख अर्यालले राईको कार्यशैलीमा उठेका प्रश्नहरूलाई मध्यनजर गर्दै स्पष्टीकरण आह्वान गरेका हुन्। सांसदहरूलाई बोल्ने उचित अवसर दिनुपर्ने दौरान सचिव राईमाथि पक्षपातपूर्ण व्यवहार गर्दै प्रस्ताव प्रस्तुत गरेको आरोप लगाइएको छ। सचिव राईलाई यसअघि सभामुख देवराज घिमिरेले सिफारिस गरी नियुक्त गरेका थिए। तत्कालीन सभामुख घिमिरेले २०८१ पुस १६ गते राईलाई सचिव पदमा नियुक्ति सिफारिस गरेका थिए। संविधानको धारा १०६ को उपधारा १ अनुसार सभामुखले सचिव पदमा नियुक्ति सिफारिस गरेपछि राष्ट्रपतिले नियुक्ति गर्ने प्रावधान रहेको छ।
