रास्वपा सांसद क्रान्तिशिखा धितालले गुणस्तरीय शिक्षा, कौशल, रचनात्मकता तथा वास्तविक शिक्षण प्रक्रियामा केन्द्रित भएर सरकारलाई सुझाव दिएकी छन्। उनले भनिन् कि विद्यार्थीलाई सक्षम बनाउन नियमहरू बनाउनु आवश्यक छ, तर ती नियमहरू केवल दबाब तयार गर्नका लागि लागू हुनुहुँदैन। त्रिभुवन विश्वविद्यालय मार्फत लागु गरिएको ८० प्रतिशत भौतिक उपस्थितिको नियम केवल ज्ञानको मापन गर्न पर्याप्त नभएको र आधुनिक सोच आवश्यक रहेको उनको भनाइ छ। ४ जेठ, काठमाडौं।
सोमबारको प्रतिनिधिसभा बैठकमा धितालले भनिन्, ‘विद्यार्थीलाई सक्षम बनाउन आवश्यक नियमहरू बनाउनु पर्छ तर ती नियमहरू दबाब मात्र होइन, प्रतिबन्धात्मक रूपमा पनि लागू नहुनुपर्ने हो। नियमहरू विद्यार्थीलाई सशक्त बनाउनका लागि हुनुपर्छ, दबाब दिनका लागि होइन।’ उनले थपिन् – त्रिभुवन विश्वविद्यालयमा प्रत्येक सेमेस्टरमा ८० प्रतिशत भौतिक उपस्थितिको नियम अनिवार्य गरिएको छ, यसको उद्देश्य राम्रो हुनसक्छ, तर के यही आधारमा ज्ञान मापन गरिन्छ? उनले प्रश्न गरिन्।
धितालले भनिन्, ‘त्रिभुवन विश्वविद्यालयको ८० प्रतिशत भौतिक उपस्थितिको नियमले नियमितता र गुणस्तरीय शिक्षा सुनिश्चित गर्ने लक्ष्य राखेको थियो। तर के केवल भौतिक उपस्थितिले मात्र ज्ञान नाप्न सकिन्छ?’ उनले विश्व खुला ज्ञानको युगमा प्रवेश गरिसकेकोले विद्यार्थीको भौतिक उपस्थितिलाई मात्र महत्त्व दिनुलाई चिन्ताजनक वताएकी छिन्।
उनले थपिन्, ‘यदि विद्यार्थी कक्षामा भए तापनि सिकाइ भइरहेको छैन भने, १०० प्रतिशत उपस्थितिको कुनै अर्थ हुँदैन।’ अन्तर्राष्ट्रिय अभ्यासलाई उदाहरण बनाएर उनले विकल्प र प्रविधि पहुँचको विषयमा पनि ध्यान दिन आग्रह गरिन्। ‘विकल्पहरू छन्, प्रविधि उपलब्ध छ। नियमहरूको नक्कल गरेर शिक्षा आधुनिक हुँदैन, सोच आधुनिक बनाउनुपर्छ,’ उनले जोड दिइन्। सरकारलाई उनले थप आग्रह गरिन्, ‘म सरकार र विश्वविद्यालय प्रशासनलाई आग्रह गर्दछु कि उपस्थितिको कठोर हिसाबकिताबभन्दा माथि उठेर गुणस्तरीय शिक्षा, कौशल, रचनात्मकता र वास्तविक सिकाइलाई केन्द्रमा राख्ने साहस गर्नुपर्छ।’
