२३ जेठ, काठमाडौं । राष्ट्रिय स्वतन्त्र पार्टी (रास्वपा)ले आज र भोलि जिल्लास्तरीय अधिवेशन आयोजना गर्न लागेको छ। दुई दिनभित्र तदर्थ समिति गठन भएका जिल्लाहरूमा रास्वपाले अधिवेशन सञ्चालन गर्दैछ। राष्ट्रिय स्वतन्त्र पार्टीको संगठनात्मक नीतिअनुसार केन्द्रीय समितिद्वारा निर्णयअनुसार देशभरि शनिबार र आइतबार विदाको दिनमा अधिवेशनहरू गरिँदैछन्।
पहिलो दिन, आज शनिबार, ३६ जिल्लामा अधिवेशन हुनेछ। आज कोशी प्रदेशका ८ जिल्ला—झापा, मोरङ, तेह्रथुम, ताप्लेजुङ, भोजपुर, संखुवासभा, ओखलढुङ्गा र सुनसरी, मधेश प्रदेशका २ जिल्ला—महोत्तरी र रौतहट, बागमती प्रदेशका ८ जिल्ला—दोलखा, काठमाडौं, भक्तपुर, नुवाकोट, मकवानपुर, काभ्रे, सिन्धुपाल्चोक र सिन्धुली, गण्डकी प्रदेशका ५ जिल्ला—स्याङ्जा, कास्की, पर्वत, बागलुङ र म्याग्दी, लुम्बिनी प्रदेशका ८ जिल्ला—गुल्मी, नवलपरासी, पाल्पा, कपिलवस्तु, दाङ, बाँके, बर्दिया र रोल्पा, कर्णाली प्रदेशका २ जिल्ला—कालीकोट र सल्यान, तथा सुदूरपश्चिम प्रदेशका ३ जिल्ला—बैतडी, बझाङ र दार्चुला मा अधिवेशन हुनेछ।
बाकी २९ जिल्लामा आइतबार अधिवेशन हुने छ। यसमा कोशी प्रदेशका ४ जिल्ला—उदयपुर, सोलुखुम्बु, खोटाङ र इलाम, मधेश प्रदेशका ४ जिल्ला—सिराहा, धनुषा, पर्सा र सर्लाही, बागमती प्रदेशका २ जिल्ला—चितवन र ललितपुर, गण्डकी प्रदेशका ४ जिल्ला—तनहुँ, नवलपुर, गोरखा र लमजुङ, लुम्बिनी प्रदेशका ३ जिल्ला—अर्घाखाँची, रुपन्देही र प्युठान, कर्णाली प्रदेशका ६ जिल्ला—सुर्खेत, जाजरकोट, दैलेख, रुकुम, मुगु र जुम्ला तथा सुदूरपश्चिम प्रदेशका ६ जिल्ला—अछाम, डोटी, डडेलधुरा, कैलाली, कञ्चनपुर र बाजुरा रहेका छन्। विवादका कारण बारा जिल्लाको अधिवेशन भने २६ गते हुने तय भएको छ।
रास्वपाले यसपाली प्रथम राष्ट्रिय महाधिवेशनअगाडि ७७ जिल्लामध्ये ६६ जिल्लामा अधिवेशन सम्पन्न गर्ने योजना बनाएको छ। बाँकी ११ जिल्लाको अधिवेशन राष्ट्रिय महाधिवेशनपछि क्रमिक रूपमा गरिने रास्वपाले जनाएको छ। यस्तै, जेठ २६ गतेदेखि सातै प्रदेशहरूमा अधिवेशन सुरु हुने महामन्त्री कवीन्द्र बुर्लाकोटीले जानकारी दिएका छन्।
