राष्ट्रिय स्वतन्त्र पार्टी डडेल्धुराको प्रथम जिल्ला अधिवेशनबाट ईन्जिनियर सुरेन्द्र अवस्थीको नेतृत्वमा ९ सदस्यीय नयाँ जिल्ला समिति गठन गरिएको छ। सहमति नपुगेपछि उपसभापति र सचिव पदमा भएको निर्वाचनमा क्रमशः मदन धामी र टंक अवस्थी विजयी भएका छन्।
२४ जेठ, डडेल्धुरा। राष्ट्रिय स्वतन्त्र पार्टी डडेल्धुराको सभापतिमा ईन्जिनियर सुरेन्द्र अवस्थी चयन भएका छन्। पहिलो जिल्ला अधिवेशनबाट अवस्थीको नेतृत्वमा ९ सदस्यीय जिल्ला समिति गठन गरिएको छ। शनिबार उद्घाटन गरिएको उक्त अधिवेशनमा सर्वसम्मत प्रयास भए तापनि उपसभापति र सचिव पदमा सहमति जुट्न सकेको थिएन।
अधिवेशनमा उपसभापतिका लागि भएको मतदानमा मदन धामी निर्वाचित भएका छन् भने सचिव पदमा टंक अवस्थीले विजय हासिल गरेका छन्। उपसभापतिका अर्को उम्मेदवार चन्द्र खड्का थिए भने सचिव पदका प्रतिस्पर्धी अमरगढी नगरपालिका डडेल्धुराका पूर्व उपमेयर संगीता भण्डारी थिइन्। त्यस्तै, सहसचिवमा बसन्त पाण्डेय चयन भएका छन् भने सदस्यहरूमा मिना फुलारा, देव सिंह भाट, सन्तोष ऐर, चन्द्रदेव कुँवर र जितेन्द्र जैरु रहेका छन्।
