क्यानडाको भ्यानकुभरस्थित बीसी प्लेस स्टेडियममा जारी फिफा विश्वकप–२०२६ अन्तर्गतको खेलमा घरेलु टोली क्यानडाले पहिलो हाफसम्म कतारविरुद्ध ३–० को महत्वपूर्ण अग्रता बनाएको छ। क्यानडाका जोनाथन डेभिडले दुई गोल गरेका छन् भने साइले लारिनले एक गोल गरेका छन्।
खेलको १६औं मिनेटमा साइले लारिनले गोल गर्दै क्यानडालाई पहिलो अग्रता दिलाए। त्यसपछि २९औं मिनेटमा जोनाथन डेभिडले गोल गरेपछि टोलीको अग्रतालाई दोब्बर बनाए। ३३औं मिनेटमा हमाम अहमदले रातो कार्ड पाउँदा कतार टोली १० खेलाडीमा सीमित भएको छ। पहिलो हाफको इन्जुरी समयमा जोनाथन डेभिडले व्यक्तिगत दोस्रो गोल गर्दै क्यानडाको अग्रतालाई तीनगुणा गरी ३–० बनाएका छन्। क्यानडाले पहिलो हाफभरि कतारमाथि दबाब कायम राख्न सफल भएको छ।
