१४ असोज, काठमाडौं। जापानमा चलिरहेको २०औं एसियन गेम्सअन्तर्गत पुरुष कयाक सिंगल क्यानो स्लालम प्रतिस्पर्धामा नेपालका विजय माझीले १०औं स्थान प्राप्त गरेका छन्। बुधबार याहागिगावा क्यानो स्लालम कोर्समा सम्पन्न फाइनलमा विजयले ३११.१४ सेकेन्डको समय लिए। यस क्रममा उनी १६४ सेकेन्डको टाइम पेनाल्टी पनि भोग्नुपर्यो।
चीनका हु झाओसानले ९१.४१ सेकेन्डमा फाइनल जित्दै स्वर्ण पदक आफ्नो नाम गरे। जापानका युकी तानाकाले ९२.८७ सेकेन्डमा रजत पदक हासिल गरे भने काजाकिस्तानका अलेक्जान्डर कोरोबोभले ९४.४८ सेकेन्डमा कांस्य पदक हात पारे। विजय माझी स्वर्ण विजेता हु झाओसानभन्दा २१९.७३ सेकेन्ड पछि रहे।
